Ku cyuzi cya Cyamwakizi giherereye mu Murenge wa Kansi habereye  igikorwa cyo Kwibuka ku nshuro ya 32 jenoside yakorewe Abatutsi mu 1994, by'umwihariko Abatutsi bishwe bakajugunywa muri iki cyuzi no mu nzuzi n'imigezi muri rusange.

Umuyobozi w'Akarere, nyuma yo gushimira abarokotse jenoside yakorewe Abatutsi ku bw'imbabazi bahaye ababicaga, batanazibasabye, bakigomwa ku bwo gushaka kubaka igihugu, yabibukije ko batagomba guheranwa n'ibyababayeho, ahubwo bakiyubaka, bagakora bakiteza imbere.

Yasabye by'umwihariko urubyiruko kwirinda ubutumwa bunyuzwa ku mbuga nkoranyambaga n'ibindi bitangazamakuru binyuranye buhembera ingengabitekerezo ya jenoside, ahubwo bakareba ejo hazaza habo. Yasabye abakuru kwita ku burere baha abana babo kugira ngo bazabarage igihugu cyiza, kizira amacakubiri.